Я.Содбаатар: УИХ-ын даргын асуудал шийдвэрлэгдсэний дараа тэргүүн шадар сайдын томилгоо яригдана
МАН-ын Удирдах зөвлөл өнөө өглөө хуралдаж, УИХ-ын даргад Н.Учралыг нэр дэвшүүлэхээр болжээ.
Энэ талаар МАН-ын ерөнхий нарийн бичгийн дарга Я.Содбаатар мэдээлэл өглөө.
Тэрбээр "УИХ дахь олонхыг бүрдүүлж буй МАН-аас УИХ-ын даргад Н.Учралыг нэр дэвшүүлсэн учраас өнөө өглөө УИХ дахь намын бүлэг хуралдаж, 100 хувийн саналаар дэмжлээ. УИХ-ын чуулганы өнөөдрийн хуралдаанаар уг асуудлыг хэлэлцэхээр чуулганд оруулж байна.
УИХ-ын тухай хуульд зааснаар олонх бүрдүүлж буй нам УИХ-ын даргад нэр дэвшүүлдэг. Байнгын хороогоор ордоггүй, хэлэлцүүлэг явуулдаггүй. Хуралдаанд оролцсон гишүүдийн олонхоор шийдвэрлэдэг хуультай.
УИХ-ын даргын асуудал шийдвэрлэгдсэний дараа тэргүүн шадар сайдын томилгоо яригдана" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
