ФОТО: 2,247 төлөөлөгчтэй МАН-ын 31 дүгээр Их хурал эхэллээ
Монгол Ардын Намын 31 дүгээр Их хурал Буянт Ухаа цогцолборт эхэллээ.
Энэ удаагийн хуралд намын бүх шатны байгууллагаас сонгогдсон 2,247 төлөөлөгч оролцож байгаа аж. Эдгээр төлөөлөгчид намын даргаа сонгож, намын дүрмийн шинэчлэлээ хэлэлцэн батлах юм. Мөн намын хяналтын байгууллага болон Бага хурлын бүрэлдэхүүнийг шинэчлэн сонгох ажээ.
МАН-ын 31 дүгээр Их хурлын тэргүүлэгчдээр УИХ-ын гишүүн Ж.Батжаргал тэргүүтэй 11 төлөөлөгчийг томилсноор хуралдаан эхлэв. Их хурлын тэргүүлэгчид хэлэлцэх асуудлыг танилцуулсны дараа мандатын тооллогын комиссын даргын илтгэл болон МАН-ын ерөнхий нарийн бичгийн даргын илтгэлээр хуралдаан үргэлжилж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
