Нийт нутгийн 46 хувьд зудын эрсдэл бага болон хүндрэлгүй байх төлөв гарчээ
Цаг уурын өртөө харуулын бодит ажиглалтын мэдээлэл, хиймэл дагуулын мэдээ болох ган, зуншлага, 2025-2026 оны өвөл-хаврын бэлчээрийн даац, бэлчээрийн ургац, агаарын температур, хур тунадасны дундажтай харьцуулсан хазайлт, арваннэгдүгээр сарын 10-ны өдрийн байдлаарх цасны зузаан болон арваннэгдүгээр сарын цаг агаарын урьдчилсан төлөв зэрэг мэдээлэлд үндэслэн зудын урьдчилсан төлөвийг тооцоолон гаргалаа.
Зудын урьдчилсан төлөвөөс харахад мал өвөлжилт нийт нутгийн
- 2 хувьд нэн их,
- 16 хувьд их,
- 36 хувьд дунд,
- 29 хувьд бага,
- 17 хувьд хүндрэлгүй байхаар байна.
Өөрөөр хэлбэл Баян-Өлгий, Увс, Ховдын ихэнх, Хөвсгөл, Өвөрхангай, Архангай, Баянхонгор, Төвийн зарим нутгаар зудын хүндрэл/эрсдэл үүсэх төлөв гарчээ.
Эх сурвалж: Ус цаг уур, орчны судалгаа мэдээллийн хүрээлэн Хөдөө аж ахуйн цаг уурын судалгааны хэлтэс
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
