ФОТО: Ш.Энхийн-Од Reuters-ийн дуранд
Хойд Америкийн Үндэсний Коллежийн Сагсан Бөмбөг (NCAA)-ийн "South Carolina Gamecocks" улирлын гурав дахь тоглолтоо "Presbyterian Blue Hose"-ийн эсрэг хийлээ.
Өмнөд Каролинагийн их сургуулийн баг энэ тоглолтын эхнээс давамгайлсаар 81:61-ээр улирлын гурав дахь хожлоо авсан юм.
Ш.Энхийн-Од 24 минут талбайд тоглохдоо 13 оноо, 4 самбараас бөмбөг авч тэргүүлэв. Талбайн эздээс Грант Полк 12, Жордан Батлер, Майлс Стют тус бүр 11 оноо авсан бол өмнөх тоглолтын баатар Мийчи Жонсон болон Эли Эллис нар тус бүр 9 оноо авчээ.
"Gamecocks" улирлын дөрөв дэх тоглолтоо энэ сарын 19-нд "Radford"-ын эсрэг хийнэ. "Radford" одоогоор хоёр ялж, нэг хожигдсон үзүүлэлттэй байгаа юм.
NCAA-д дөрөв дэх улиралдаа тоглож буй Ш.Энхийн-Од "Reuters" агентлагийн зурагчны дуранд өртсөн байна.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
