Үндсэн хууль зөрчсөн Х.Булгантуяагийн оронд Ж.Бат-Эрдэнийг УИХ-ын дэд даргаар сонголоо
Чуулганы нэгдсэн хуралдаанаар УИХ-ын дэд даргыг огцруулж, сонгох асуудлыг хэлэлцэв.
Үндсэн хуулийн цэцээс УИХ-ын дэд дарга Х.Булгантуяаг Үндсэн хууль зөрчсөн хэмээн дүгнэсэн. Энэхүү үндэслэлээр УИХ дахь МАН-ын бүлэг Х.Булгантуяаг албан тушаалаас нь огцруулж, түүний оронд Ж.Бат-Эрдэнийг нэр дэвшүүлэх саналыг УИХ-д хүргүүлээд байсан юм.
Ийнхүү хуралдаанд оролцсон 99 гишүүний 66 нь буюу 66.7 хувийн саналаар Х.Булгантуяаг УИХ-ын дэд даргын албан тушаалаас огцрууллаа.
Үргэлжлүүлэн Ж.Бат-Эрдэнийг УИХ-ын дэд даргаар сонгох санал хураалт явуулав. Хуралдаад оролцсон 78 гишүүн 100 хувийн саналаар Ж.Бат-Эрдэнийг УИХ-ын дэд даргаар сонгохыг дэмжив.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
