"Ерөнхийлөгчийн илгээлт"-ээр суралцдаг хүүхдийн төлбөрийг БЗС хугацаанд нь шилжүүлээгүйн улмаас шүүхэд дуудагджээ
"Ерөнхийлөгчийн илгээлт" хөтөлбөрт хамрагдсан залуус Боловсролын Зээлийн Сан(БЗС)-гийн үйл ажиллагааны доголдлын улмаас шүүхэд дуудагдах хүртлээ нөхцөл байдал нь хүндэрч буй талаар ар гэрийнхэн нь өнөөдөр мэдээлэв.
Цаг хугацаанд нь төлбөр шилжүүлдэггүйн улмаас хүүхдүүд хичээлдээ суух эрхгүй болох, байрнаасаа хөөгдөх зэрэг олон асуудалтай нүүр тулж байгаа аж.
Ингэж болохгүй гэж бодож байна. 2025 оны хаврын улирал буюу I курсийн хоёрдугаар семестрээс эхлэн II курс төгсөх хүртэл БЗС гэрээний үүргээ биелүүлээгүйн улмаас эцэг эхчүүдээс 50 орчим сая төгрөгийн зардал гарахаар байгаа. Жирийн айл өрхийн хувьд ийм хэмжээний төлбөр төлөх боломжгүй.
Энэ намар манай хүүхдийн байрны төлбөрийг өгөөгүйн улмаас мужийнх нь шүүх дуудсан асуудал хүртэл гарлаа. Түүнээс өмнө хөөх мэдэгдэл нь удаа дараа ирж байсан. Ийм нөхцөл байдал яагаад үүсгэж байгаа юм бэ. Олон хүүхдийн хоолны зардлыг өгөхгүй удах асуудал ч их гарч байна. Хятад улсад байгаа 60 гаруй хүүхдийн хоолны мөнгийг өгөөгүй хэвээр байгааг надад мэдэгдсэн" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
