Энэ оны эхний 10 сард жимс, самрын импорт өмнөх жилийн мөн үеэс 30 хувь өсөв
Монгол Улс 2025 оны эхний 10 сард нийтдээ 9.4 тэрбум ам.долларын бараа бүтээгдэхүүнийг импортоор авчээ.
Импортын бүтээгдэхүүний 18.1 хувь нь нефтийнх байна. Дурдсан хугацаанд 678.5 мянган тонн авто бензин, 1.5 сая тонн дизель түлш авахад 1.7 тэрбум ам.доллар зарцуулжээ.
Мөн
- суудлын авто машин авахад 932.1 сая ам.доллар,
- ачааны машин 442.3 сая ам.доллар,
- цахилгаан эрчим хүч импортлоход 172.3 сая ам.доллар зарцуулав.
Харин импортын хүнсний гол нэрийн бүтээгдэхүүний тухайд 2025 оны эхний 10 сард
- өндөгний импорт өнгөрсөн оны мөн үеэс 30 хувиар өсөж, 100.4 сая ширхэг
- цагаан будааных 17 хувиар нэмэгдэж, 47 мянган тонн,
- жимс самрын импорт өнгөрсөн оны мөн үеэс 31 хувиар өсөж 52.6 мянган тонн болсон байна.
Харин улаанбуудайн гурилын импорт энэ оны эхний 10 сард 2024 оны мөн үетэй харьцуулахад 47.6 хувиар буурч, 25.1 мянган тонн болжээ. Түүнчлэн улаанбуудайнх 80 хувиар буурч, 16.9 мянган тонн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
