Ерөнхий сайд Г.Занданшатар ЭМДС-гийн өр төлбөрийг барагдуулж, хөрөнгө завшсан байж болзошгүй этгээдүүдийг шалгуулах үүрэг өгөв
Засгийн газрын өнөөдрийн /2025.11.5/ хуралдаанаас Эрүүл Мэндийн Даатгалын Ерөнхий Газрын даргаар Ц.Батбаатарыг томилох шийдвэр гаргасан.
Сар бүр нийт 2.1 сая нэхэмжлэл ЭМДЕГ-т хянуулахаар ирдэг ч мөнгөн дүнгийн ердөө 35 хувьд хяналт хийдэг нь Эрүүл мэндийн даатгалын сан өр төлбөрт баригдах шалтгаануудын нэг болжээ. Хуурамч нэхэмжлэл үүсгэж, сангийн хөрөнгө завших, илүү санхүүжилт авахыг завдсан зэргээр нэхэмжлэлийн хяналтаар 2023-2025 онд 229 мянга гаруй алдаа, зөрчил илрээд байна.
Тиймээс Ерөнхий сайд Г.Занданшатар тус сангийн санхүүгийн харилцааг эрүүл болгох, өр төлбөрийг барагдуулах, хөрөнгө завшсан байж болзошгүй этгээдүүдийг шалгуулах үүрэг даалгаврыг ЭМДЕГ-ын шинэ дарга Ц.Батбаатарт өглөө.
ВИДЕО ҮЗЭХ:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
