Массажны газар нэрийн дор 14–15 настай охидыг ажиллуулж, биеэ үнэлэхийг зуучилсан байж болзошгүй үйлдлийг илрүүлжээ
Массажны газар нэрээр 14–15 настай охидыг ажиллуулж, биеэ үнэлэхийг зуучилсан байж болзошгүй хэргийг цагдаагийн байгууллага илрүүлэн шалгаж эхэлжээ.
Сонгинохайрхан дүүргийн цагдаагийн газраас энэ оны аравдугаар сарын 24-26-ны хооронд тус дүүргийн нутаг дэвсгэрт үйл ажиллагаа явуулдаг саун массажны газруудад хяналт шалгалт явуулсан байна. Шалгалтаар 14, 19 дүгээр хорооны нутаг дэвсгэрт үйл ажиллагаа явуулж байсан “А”, “И” нэртэй саун массажны газрууд нь 14-15 насны насанд хүрээгүй охидыг ажиллуулж, бусдад биеэ үнэлэхийг зуучилсан, бусдыг биеэ үнэлэхэд орон байр бусад зүйлээр хангасан, биеэ үнэлэхийг зохион байгуулсан, хүн худалдаалах зэрэг гэмт хэргийн шинжтэй байж болзошгүй үйлдлүүдийг илрүүлжээ.
Улмаар дээр үйлдлүүдийг бүртгэн, шалгаж эхэлсэн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
