Жилд дунджаар 630,000-700,000 хүн томуугаар өвчилж, 40-50 хүн нас баржээ
Сүүлийн гурван жилд манай улсад томуугийн өвчлөл хоёр дахин удаан үргэлжилж, өвчлөл 1.5-2 дахин нэмэгдсэнийг Эрүүл Мэндийн Яамнаас мэдээллээ.
Тандалтын мэдээгээр жилд дунджаар 630,000-700,000 хүн томуугаар өвчилж, 45,000-47,000 тохиолдол эмнэлэгт хэвтэн эмчлүүлж, 40-50 хүн нас баржээ.
Иймд томуугийн халдвараар өвчлөх, хүндрэх эрсдэлээс сэргийлэх аргуудыг өдөр тутамдаа хэрэгжүүлэх болон дархлаажуулалтад хамрагдахыг зөвлөж байна.
Өвчнөөс сэргийлэх нийтлэг хариу арга хэмжээ:
- Амны хаалт зүүх
- Гар угаах
- Олон нийтийн газраар явахгүй байх
Улирлын томуутай холбоотой вакцинжуулалт болон өвөрмөц эмийн эмчилгээг хийлгэх нь сэргийлэх ач холбогдолтойг эмч нар зөвлөдөг.
Гэрийн нөхцөлд хүүхдэдээ
- Бүлээн шингэн юм сайтар уулгах
- Витаминтай, тэжээллэг хоол хүнсээр хангах
- Утас дэлгэцийн хамаарлыг хязгаарлах
- Хүүхдийг оройн 21:00, 22:00 цагт унтуулж амрааж байх хэрэгтэй.
Эдгээр нь эргээд хүүхдийн дархлааны чадамжид эергээр нөлөөлдөг. Дархлааг дэмждэг, өвчнөөс сэргийлдэг энгийн аргуудыг хэрэгжүүлэхийг зөвлөдөг билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
