Өвчтэй хүүхдийн зургийг ашиглан 400 гаруй иргэнийг залилж, мөрийтэй тоглоом тоглодог байсан этгээдийг олж тогтоожээ
iKon.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Бусдын эмзэг мэдээллийг ашиглан 400 гаруй иргэнийг залилж, цахим мөрийтэй тоглоом тоглодог этгээдийг олж тогтоон шалгалтын ажиллагаа явуулж байгааг Цагдаагийн Ерөнхий Газар (ЦЕГ)-аас мэдээллээ
Энэ талаар "Хэн нэгэн таны өрөвч зан, сайхан сэтгэлийг гэмт хэрэг үйлдэхэд ашиглаж байгаа юм биш биз.
Иргэн Б нь өвчтэй хүүхдийн зураг мэдээллийг ашиглан, хуурамч фэйсбүүк хаягаас хандив тусламж хүссэн утга бүхий худал зар мэдээлэл нийтлэн өнгөрөгч наймдугаар сараас эхлэн 400 гаруй иргэнийг залилж, цахим мөрийтэй тоглоом тоглож байсныг тогтоон Сонгинохайрхан дүүргийн цагдаагийн газрын гуравдугаар хэлтэст шалгаж байна.
Иргэн та хэн нэгэнд туслах гэж байгаа бол мэдээллийн үнэн бодит байдалтай танилцаж залилах гэмт хэргийн хохирогч болохоос урьдчилан сэргийлээрэй" хэмээн ЦЕГ-аас анхаарууллаа.
ВИДЕО:
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
