ФОТО: “Усан тойрог” гадна талбайн нээлттэй үзэсгэлэн-танин мэдэхүйн арга хэмжээ долоо хоног үргэлжилнэ
“Усан тойрог” гадна талбайн нээлттэй үзэсгэлэн-танин мэдэхүйн арга хэмжээ Улаанбаатар цэцэрлэгт хүрээлэнд болж байна.
Монголын Мянганы сорилтын сангаас Мянганы сорилтын II Компакт гэрээ буюу Усны Компактын хүрээнд улаанбаатарчуудын усны тогтвортой хэрэглээг урт хугацаанд хангах зорилготой Улаанбаатар хотын нийт ус хангамжийг нэмэгдүүлэх хөтөлбөрийг хэрэгжүүлж буй.
Уг хөтөлбөрийн үр өгөөж болон усны ухаалаг хэрэглээг олон нийт, залуучуудад түгээн таниулах зорилгоор өнөөдрийн арга хэмжээг “Бидний ус - Бидний ирээдүй” уриан дор аравдугаар сарын 4-10-нд зохион байгуулах юм.
“Усан тойрог” гадна талбайн нээлттэй үзэсгэлэн-танин мэдэхүйн арга хэмжээний үеэр
- усны үнэ цэн, ухаалаг хэрэглээ
- ус дахин ашиглалт
- бохирдлыг бууруулах зэрэг устай холбоотой асуудлын талаар залуучууд, олон нийтэд мэдлэг мэдээллээ хуваалцахаас гадна Усны Компактын бүтээн байгуулалтууд, нэвтрүүлж буй шинэ дэвшилтэт технологи, инновацыг танилцуулж байна.
Арга хэмжээний хүрээнд долоо хоногийн турш усны салбарын байгууллагууд, Усны компактын оролцогч талуудын нээлттэй мэдээллийн өдөрлөг зохион байгуулах юм.
Хөтөлбөр:
- Өнөөдөр Усны газрын дарга З.Батбаяр ШУТИС, МУИС-ийн оюутнуудад “Хот, суурины ус хангамж, усны нөөцийн зохистой менежмент” сэдвээр лекц уншлаа.
- Маргааш Монголын МСС-ийн Хаягдал ус дахин боловсруулах төслийн мэргэжилтэн, Монгол Улсын зөвлөх инженер Б.Батдэлгэр “Хаягдал ус ба ус дахин ашиглалт”
- Энэ сарын 8-нд УСУГ-ын Усны төв лабораторийн менежер Ц.Болормаа “Усны чанар, шинжилгээ, лаборатори”
- Энэ сарын 9-нд Монголын МСС-ийн Ус хангамжийн Баруун эх үүсвэрийг шинээр байгуулах төслийн захирал, Монгол Улсын зөвлөх инженер Б.Батсүх “Усны салбарын шинэ дэд бүтэц, техник, технологи”
- Энэ сарын 10-нд Монголын МСС-ийн Усны салбарын тогтвортой байдлыг хангах төслийн захирал Л.Өнөржаргал “Усны салбарын цахим дэвшил” сэдвээр лекц унших юм.
Мөн энэ өдрүүдэд залууст зориулсан кино үдэш, яруу найргийн үдэш зэрэг олон сонирхолтой хөтөлбөрийг хүргэх талаар мэдээллээ.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
