2025-2026 оны хичээлийн жилд зохион байгуулах УЛСЫН ОЛИМПИАДЫН ХУВААРЬ
Олимпиадын ерөнхий хорооны хурлаар 2025-2026 оны хичээлийн жилийн олимпиадын хуваарийн товыг тогтоон, Боловсролын сайдад танилцуулан, Боловсролын яамны саналд үндэслэн хэлэлцэж баталсан байна.
Уг хуваарийн дагуу сургуулийн түвшний олимпиадууд аравдугаар сарын 20-31-нд зохион байгуулагдахаар байна. Сургуулиасаа шалгарсан сурагчид арванхоёрдугаар сарын 13-наас хойшоо аймаг, дүүргийн түвшний олимпиаддаа мэдлэгээ сорих нь. Мөн хичээлийн төрлөөс шалтгаалан нийслэл, бүсийн түвшний олимпиадууд хэд хэдэн шаттайгаар болохоор байгаа юм.
Харин улсын олимпиадын хувьд
- математикийнх Баянхонгор аймагт
- физикийнх Дорнод аймагт
- нийгмийн ухааных Өмнөговь аймагт
- түүхийнх Хөвсгөл аймагт
- химийнх Хэнтий аймагт зохион байгуулагдах бөгөөд бусад хичээлийнх Улаанбаатарт болохоор товлогджээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
