Чингис хаан нисэх буудал руу иргэдэд үйлчилдэг нийтийн тээврийн автобусны Х:19 чиглэлд өөрчлөлт оржээ
Чингис хаан олон улсын нисэх буудал руу иргэдэд үйлчилдэг Х:19 “Чингис хаан Олон улсын нисэх буудал-Сүхбаатарын талбайн төв зогсоол” чиглэлийн замналд өөрчлөлт оруулжээ.
Нийтийн Тээврийн Бодлогын Газраас мэдээлснээр Х:19 чиглэлийн автобус Сүхбаатарын талбайн төв зогсоолоос Олимпын гүүрээр гарч Махатма Гандигийн гудамжаар зорчин 120 мянгатын зогсоол дээр зогсдог болсон байна.
Автобусны чиглэлийн нэршлийг Х:19 “Чингис хаан олон улсын нисэх буудал-Олимпын гүүр-Сүхбаатарын талбайн төв зогсоол” болгожээ.
Харин автобусны цагийн хуваарьт ямар нэгэн өөрчлөлт ороогүй байна.
Хөшигийн хөндийн нисэх буудал руу Х:19 Чингис хаан олон улсын нисэх буудал-Олимпын гүүр-Сүхбаатарын талбайн төв зогсоол, Х:20 Таван шар-Чингис хаан ОУНБ болон шөнийн буюу ШҮ:4 Сүхбаатарын талбай-Чингис хаан ОУНБ гэсэн маршрутаар нийтийн тээврийн автобус иргэдэд үйлчилдэг аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
