Өнөөдрөөс БЗД-ийн эрүүл мэндийн төвийн харьяа салбар амбулаториудад эрт илрүүлэг үзлэг, оношилгоог хийхгүй
Баянзүрх дүүргийн эрүүл мэндийн төвийн харьяа салбар амбулаториудад өнөөдөр буюу есдүгээр сарын 22-ны өдрөөс эхлэн урьдчилан сэргийлэх, эрт илрүүлэг үзлэг, оношилгоог хийхгүй болсон талаар тус дүүргийн эрүүл мэндийн төвөөс мэдээллээ.
Тодруулбал Эрүүл мэндийн даатгалын ерөнхий газраас ирүүлсэн мэдэгдэл, чиглэлийн дагуу "Хүн амын нас хүйс, эрүүл мэндийн эрсдэлд суурилсан урьдчилан сэргийлэх эрт илрүүлэг үзлэг, оношилгоо"-ны санхүүжилтийг тодорхойгүй хугацаагаар түр зогсоож байгаа аж.
Иймд Баянзүрх дүүргийн Эрүүл мэндийн төвийн харьяа салбар амбулаториудад есдүгээр сарын 22-ны өдрөөс эхлэн тус үзлэг, оношилгоог тодорхойгүй хугацаагаар хийхгүй юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
