Их сургуулийн нэг кредитийн үнэ өмнөх оноос 20,000-40,000 төгрөгөөр өсжээ
Жилийн инфляц 2025 оны наймдугаар сарын байдлаар 8.8%-аар өсөхөд хүнс, орон сууц, боловсрол, зочид буудал, нийтийн хоолны бүлэг голлон нөлөөлсөн талаар Үндэсний статистикийн хорооноос мэдээллээ.
Тухайлбал мах 14.3%, хүнсний ногоо 24.2% өссөн нь хамгийн өндөр өсөлт байна.
Орон сууцны түрээсийн үнэ 37 хувиар өссөн нь хичээлийн шинэ жил эхэлсэнтэй холбоотой гэв. Мөн цахилгааны тариф нэмэгдсэн нь одоог хүртэл инфляцад нөлөөлж байгаа юм байна.
Боловсролын үйлчилгээний үнэ 12.8%-аар өссөн нь их дээд, сургууль болон хувийн сургуулиудын сургалтын төлбөрийн өсөлт нөлөөлжээ. Өмнөх онтой харьцуулахад нэг кредитийн үнэ 20,000-40,000 төгрөгөөр өсжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
