Уул уурхайн салбарын хөгжлийг дараагийн шатанд гаргаж буй 5G-д суурилсан ухаалаг шийдлүүд

Монголын Уул Уурхайн Үндэсний Ассоциаци болон Аж үйлдвэр, эрдэс баялгийн яамнаас жил бүр болгон зохион байгуулдаг уул уурхайн салбарын хамгийн өргөн хүрээтэй, инновацлаг “MiningWeek & MinePro 2025” олон улсын үзэсгэлэн, чуулга арга хэмжээ 9 сарын 11-13-нд Налайх дүүргийн Тайж хайрханы бэлд зохион байгуулагдаж байна. 

“MiningWeek & MinePro 2025” бол зөвхөн бүтээгдэхүүнээ танилцуулах талбар биш, харин уул уурхайн салбарын ирээдүйг хамтдаа тодорхойлж дараагийн шатанд гаргахад түлхэц болдог ач холбогдолтой арга хэмжээ.

Энэ удаагийн үйл ажиллагаанд Юнител группийн охин компани болох Nexmind ХХК 5G сүлжээнд суурилсан уул уурхайн салбарт зориулсан дижитал шийдлүүдээр оролцож байна.

 

5G бол зөвхөн харилцаа холбооны шинэ шат биш, харин улс орны хөгжил, бизнесийн ирээдүйг тодорхойлох стратегийн чухал дэд бүтэц.  

Тэгвэл 5G сүлжээг Монгол орон даяар анхлан нэвтрүүлсэн Юнител группийн мэдээллийн технологи болон харилцаа холбооны салбарт 20 жилийн хугацаанд бий болгосон дэд бүтцийн бүтээн байгуулалт, туршлага дээр тулгуурлан боловсруулсан эдгээр шийдлүүд нь уул уурхайн байгууллагын зардлыг бууруулж, үйл ажиллагааны үр ашгийг нэмэгдүүлэхийн зэрэгцээ хөдөлмөрийн аюулгүй байдлыг эрс сайжруулах зорилготой юм.

 “Nexmind” компанийн танилцуулж буй шийдлүүд

1. Автомат жолоодлогын систем (Autonomous Driver)

• Уурхайн талбайд жолоочгүйгээр ажиллах боломж бүрдүүлснээр машин, техникүүдийн хөдөлгөөнийг алсаас хянана. Энэ нь хүний хүчин зүйлээс шалтгаалах алдаа буурч, хөдөлмөрийн аюулгүй байдал сайжран бүтээмж нэмэгдэнэ.

2. Түлш хянах систем (Fuel Monitoring System)

• Түлшний зарцуулалтыг бодит цагийн нарийвчлалтайгаар хянах боломжтой. Ингэснээр үргүй зардлыг бууруулж, илүү оновчтой менежментээр үйл ажиллагааны үр ашгийг дээшлүүлнэ.

 

3. Байршил хянах систем (GPS Tracking)

• Машин, техник, тоног төхөөрөмжийн байршлыг 24/7 горимд хянах боломжтой бөгөөд удирдлагын шийдвэр гаргалтыг илүү шуурхай болгоно. Үүний зэрэгцээ замын хөдөлгөөнийг оновчтой зохион байгуулж, тоног төхөөрөмжийн үр ашигтай ашиглалт болон ашиглалтын хугацааг уртасгах боломж бүрдүүлнэ.

4. Алсаас дүрсээр хянах систем (ADAS-DMS)

• Давуу тал: Жолоочийн ядаргаа, анхаарал сарнилт зэрэг аюултай нөхцөл байдлыг дүрсийн шинжилгээгээр илрүүлж, ослоос урьдчилан сэргийлнэ. Жолоочийн аюулгүй байдлыг хангах энэхүү шийдэл нь хүний алдаанаас үүдэлтэй эрсдэлийг бууруулж, ажилтнуудын хөдөлмөрийн нөхцөлийг илүү найдвартай, аюулгүй болгоно.

Та бүхэн “MiningWeek & MinePro 2025” арга хэмжээний 221-р асраар зочилж дээр шийдлүүдтэй илүү дэлгэрэнгүй танилцаж туршиж үзэхийг урьж байна.

Хэрвээ та арга хэмжээнд хүрэлцэн очих боломжгүй бол дараах линкээр орж и-мэйл хаягаа үлдээж мэдээлэл хүлээн аваарай.

Линк: shorturl.at/bdOyt