ФОТО: БНСУ-ын алдарт "T-Ara" хамтлаг Монголд ирлээ
БНСУ-ын алдарт "T-Ara" хамтлаг өнөөдөр Төв цэнгэлдэх хүрээлэнд тоглолтоо хийнэ. Анх таван хүний бүрэлдэхүүнтэй 2009 онд байгуулагдсан тус хамтлаг K-pop-ын хоёр дахь үеийн хамгийн нөлөө бүхий хамтлагуудын нэг юм. Хамтлагийн нэр нь англиар "Tiara" буюу титэм гэсэн утгатай.
Тэд 2017 онд албан ёсоор тарсан ч гурван жилийн дараа буюу 2020 онд дөрвөн хүний бүрэлдэхүүнтэйгээр эргэн нэгдсэн түүхтэй.
Тус хамтлагийн албан ёсны YouTube суваг дээр гаргасан бүх видео нийт ойролцоогоор 941 сая үзэлттэй байдаг аж.
"T-Ara" хамтлагийн хувьд өмнө нь 2013 онд "ETV" телевизийн урилгаар "Core Contents Media" компанид харьяалагддаг бусад солонгос хамтлагийн хамт Төв цэнгэлдэх хүрээлэнд тоглож байв. Тухайн үед энгийн тасалбарын үнэ ₮35,000 байсан бол "MON Entertainment"-ийн зохион байгуулж буй энэ удаагийн тоглолтын энгийн тасалбарын үнэ ₮150,000 байна.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
