С.Бямбацогт: Төрийн өмчит компаниудыг ашигтай, ашиггүй ажилласан эсэхээр ангилж, хавтгайрсан байдлаар цалин өгдөг системийг хална

Гэрэл зургийг MPA агентлагийн онцгой зөвшөөрөлтэйгөөр ашиглав

Засгийн газрын ээлжит хуралдаанаас гаргасан шийдвэрийг танилцуулж байна. 

Энэ талаар ярихдаа "Төрийн өмчит компаниудыг ангилж үзэхэд "Эрдэнэс Тавантолгой", "Эрдэнэт" мэтийн томоохон ААН-үүд ашгийн төлөө ажилладаг. Өөрөөр хэлбэл уул уурхайн компаниуд ашиг орлого олдог.

Цалингаас гадна сайн ажилласан бол эдгээр компанийн удирдлагуудад улирал бүр урамшуулал өгч, жилийн эцсийн дүнгээр өшөө илүү үнэлж үр дүнгийн урамшуулал олгоё. Ийм байдлаар асуудлыг шийдэх бодолтой явж байгаа.

Нөгөө талдаа ашиг орлого багатай, яах аргагүй төр оролцдог компаниуд ч бий. Тухайлбал эрчим хүчний салбарын компаниуд, нүүрсний уурхай багтана. Үүнд Багануурын уурхай, Шивээ-Овоогийн уурхай орно.

Мөн эрчим хүчний цахилгаан станцуудын үнэ тарифыг өсгөхгүйн тулд төрөөс хатуу бодлогоор үнийг нь барьдаг.

Эрчим хүч, зам засвар арчлалтын компаниуд ашиг орлого олох бололцоо боломж багатай. Зундаа замаа засаж нөхөөсөө хий, өвөлдөө цас мөсөө арилгаж аваар осолгүй зорчих бололцоог бүрдүүлэх шаардлага тавьдаг. Өөрөөр хэлбэл ашиг олох нь гол зорилго биш. Иргэд эрсдэлгүй зорчихыг гол зорилго болгож замынхаа чанар байдлыг сайн хангаж ажилла гэдэг.

Тиймээс ашигтай ажиллах ёстой компаниуд дээр тодорхой үр дүнгийн төлөвлөгөөт зорилтууд тавина. Тавьсан зорилтоо хангаж чадвал нэмэлт урамшуулал, нэмэлт цалин хангалттай байдаг.

Ашигтай ажилласан ч ашиггүй ажилласан ч тогтмол цалин авдаг тогтолцоог л өөрчилье. Үр дүн гаргавал урамшуулал, нэмэлт цалин чинь хангалттай байна. Харин үр ашиггүй алдагдалтай ажиллавал ажлаас нь чөлөөлнө.

Нэг талдаа урамшууллын нөгөө талдаа хариуцлагын тогтолцоог бий болгоно гэсэн үг. Хуучин шиг хавтгайрсан байдлаар цалин өгдөг системийг халах бодлого барьж байгаа" хэмээн хэллээ. 

ВИДЕО: