Тарвага агнах, тулам бэлдэх, тэдгээрийг хот суурин руу дамжуулах үйлдэл гаргахгүй байхыг АНХААРУУЛАВ
Хөвсгөл аймагт гарсан тарваган тахал өвчний халдварын нөхцөл байдлын талаар Эрүүл Мэндийн Яамнаас өнөөдөр нэгдсэн мэдээлэл хүргэлээ.
Энэ үеэр ЭМЯ-ны Төрийн нарийн бичгийн дарга Д.Очирбат "Улсын хэмжээнд 17 аймгийн 137 сумын нийт нутаг дэвсгэрийн 28.3 хувь буюу 444,000 метр квадрат талбай тарваган тахлын голомттой байна.
Иргэдэд анхааруулж хэлэхэд тарваган тахлын өвчлөл идэвхжиж байгаа учир тарвагатай холбоотой асуудалд анхаарал болгоомжтой хандаж, хуулиа хэрэгжүүлж ажиллах хэрэгтэй.
2005-2025 онд тарваган тахлын нийт 31 өвчлөл тохиолдол гарч байсан бөгөөд жилд дунджаар 1-2 тохиолдол бүртгэгдэж нас баралт 35 хувьтай байжээ.
Тарваган тахлын хүний өвчлөл 2020 онд хамгийн олон буюу зургаан тохиолдол батлагдаж нас баралт хамгийн өндөр хувьтай бүртгэгдэж байсан.
Халдвар авснаас хойш өвчний нууц үе 5-6 хоног үргэлжилдэг" гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
