• 12 сарын 6, Бямба
|
Уншиж байна ...
ХУУЧИРСАН МЭДЭЭ: 2025/09/04-НД НИЙТЛЭГДСЭН

ТАНИЛЦ: Байнга баруун гар тийш эргэх 11 уулзвар

Б.Бадамгарав, IKon.mn
2025 оны 9 сарын 4
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн 11 уулзварыг байнга баруун гар тийш эргэдэг болгож байгааг Замын Хөдөлгөөн Удирдлагын Төв(ЗХУТ)-өөс мэдээллээ.

Тодруулбал

  1. 10 дугаар хорооллын уулзвар
  2. III эмнэлгийн баруун хойд уулзвар
  3. Саппорогийн уулзвар
  4. Тасганы овооны уулзвар
  5. Хайлаастын уулзвар
  6. Их Монголын уулзвар
  7. ЭХЭМҮТ-ийн баруун урд уулзвар
  8. Зүүн дөрвөн замын уулзвар
  9. 32-ын уулзвар
  10. Гэндэнгийн уулзвар
  11. Зайсангийн гудамж, Оргил худалдааны төвийн хойд уулзварт есдүгээр сарын 8-наас эхлэн байнга баруун гар тийш эргэхээр болж байна. 

ЗХУТ ОНӨТҮГ-ын Хөдөлгөөн зохицуулалт, хяналтын хэлтсийн дарга Н.Намуу "Уулзвараар нэвтрэх боломжийг аль болох сайжруулах, замын хөдөлгөөний аюулгүй байдал, тэмдэг тэмдэглэгээний стандарт бүрэн хангагдсан уулзваруудыг сонгосон. Мөн түгжрэл ачааллыг бууруулах, орон зай сайтайг нь харгалзсан. 

Жишээлбэл 10 дугаар хорооллын уулзварт зүүн талаас баруун гар тийш буюу хойшоо эргэх чиглэлийн гэрэл дохиог байнга баруун гар тийш эргэх нөхцөл байдлаар нь хангаж, гэрэл дохиог ажиллуулна. Энэ үед иргэд, жолооч нар юуг анхаарах вэ гэхээр тээврийн хэрэгслийн гэрэл дохио байнга ногоон асна. Мөн явган зорчигчийн гэрэл дохио байнга ногоон асна. Аль аль нь зөвшөөрөгдөх нөхцөл бий байгаа ч замын хөдөлгөөний дүрэмд заасанчлан жолооч баруун гар тийш эргэхдээ явган зорчигч болон бусад чиглэлээс ирж буй тээврийн хэрэгсэлд зам тавьж өгөх ёстой. 

Иймд сонор сэрэмжтэй байхгүй бол үзэгдэх орчин хязгаарлагдсан үед зам тээврийн осол гарах нөхцөл үүсдэг гэдгийг анхааруулъя. Зарим уулзварыг байнга баруун тийш эргүүлдэг болсноор тухайн уулзварын нэвтрүүлэх чадвар 88 хүртэл хувиар нэмэгдэх боломжтойг тооцоолсон" гэлээ.