“Шунхлай” ХХК нээлттэй бонд гаргана

Санхүүгийн зохицуулах хорооноос ТОП 100 аж ахуйн нэгжийн хөрөнгийн зах зээл дээрх идэвхийг нэмэгдүүлэх зорилгоор тодорхой арга хэмжээг үе шаттайгаар хэрэгжүүлж эхэлсэн билээ. Үүний хүрээнд Монгол улсын ТОП 100 аж ахуйн нэгжийн нэг болох Шунхлай ХХК нь зээлжих зэрэглэлийн А үнэлгээ бүхий нээлттэй бондыг гаргахаар 2025 оны 8 дугаар сард Санхүүгийн Зохицуулах Хорооноос зөвшөөрлөө авлаа. Уг бондын захиалгыг Монголын хөрөнгийн бирж дээр 2025 оны 9 дүгээр сарын 02-ны өдрөөс 9 дүгээр сарын 8-ны өдрийг дуустал авна.

Өнгөрсөн 30 жилийн хугацаанд Шунхлай групп нь үйлдвэрлэл, шингэн хүнс, худалдаа, технологи гэх мэт салбаруудад үйл ажиллагааг явуулж байгаа ба Шунхлай ХХК нь 1995 онд үүсгэн байгуулагдсан бөгөөд өнөөг хүртэл газрын тосны бүтээгдэхүүнийг чанарын стандартын дагуу харилцагч нартаа түргэн шуурхай найдвартай хүргэж ирсэн билээ.

Бондын давуу тал:

• 12 сарын хугацаатай банкнуудын хадгаламжийн зарласан дундаж хүүтэй харьцуулахад ойролцоогоор 3-4 нэгж хувиар өндөр хүү
• Татварын хүү 5 хувь буюу хадгаламжийн татварын хүүгээс 2 дахин бага
• Зээлжих зэрэглэлийн үнэлгээ А буюу Тогтвортой төлөвтэй байгаа нь дотоодын зах зээл дээрх хамгийн өндөр зээлжих зэрэглэл бүхий бонд

Бондын нөхцөл:

• Нэгжийн нэрлэсэн үнэ: ₮100,000
• Хүү:  жилийн 17.0%
• Хугацаа: 12 сар
• Хүү төлөлт: Хагас жил тутам

Хамтран оролцогч талууд:

• Үндсэн андеррайтер: “Ти Ди Би Секьюритис ҮЦК” ХХК
• Туслах андеррайтер:  “Эс Жи Инвестмент энд Секьюритис ҮЦК” ХХК
• Аудит: “Ниямазон аудит” ХХК
• Хуулийн зөвлөх:  “Өмгөөллийн Легал Полиси” ХХК
• Зээлжих зэрэглэл тогтоосон байгууллага: “Монголын Хөрөнгө Оруулалтын Зэрэглэлийн Эжинси” (МИРА) ХХК