ФОТО: Шинэ даргаа ёсчлон батламжилсан Ардчилсан Намын ээлжит бус Их хурал
Монголын улс төрийн томоохон хүчний нэг болох Ардчилсан Нам (АН) ээлжит бус Их хурлаа өчигдөр (2025.08.31) зохион байгууллаа.
Их хурлын үеэр Ардчилсан Намын шинэ дарга Одонгийн Цогтгэрэлийг 99.9 хувиар ёсчлон батламжилсан юм. Түүнчлэн УИХ-ын гишүүн Л.Гантөмөр АН-ын даргын тамгыг УИХ-ын гишүүн О.Цогтгэрэлд гардуулан өгч, намын нөхөд нь шинэ даргадаа бүрэн тоногтой халх эмээл бэлэглэв.
УИХ-ын гишүүн, АН-ын дарга О.Цогтгэрэл "Ардчилсан Нам бол зарим нэг улс төрийн хүчин шиг хэн нэгний даалгавраар хилийн гадна талд байгуулагдсан нам биш.
АН бол монголчуудын мянганы тэртээх их гүрнийг санагалзсан үндэсний сайхан бахархал дээр, сүүлийн зуун жилийн эрх чөлөөний хүсэл дэх тэмүүлэл дээр, 70 орчим жилийн хаалттай нийгмийг задлах чөлөөт нийгмийн үзэл санаа дээр нийгмийн захиалгаар үүссэн нам юм.
Энэ том намын даргаар сонгосон Үндэсний бодлогын хорооны гишүүд, батламжлан ёсчилсон Их хурлын гишүүд төлөөлөлдөө талархал илэрхийлье" гэв.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
