Нийслэлийн хэмжээнд 41,000 орчим хүүхэд нэгдүгээр ангид элсэн оржээ
2025-2026 оны хичээлийн жилд нийслэлийн хэмжээнд төрийн өмчийн 325, төрийн бус өмчийн 343 нийт 668 цэцэрлэг үйл ажиллагаа явуулж, 16 мянга гаруй багш, ажилтан ажиллана.
Нийслэлийн хэмжээнд 2-5 насны 135,582 хүүхэд цэцэрлэгт суралцана. Хүсэлт гаргасан хүүхэд бүрийг цэцэрлэгт хамруулж байна.
Харин нийслэлийн ерөнхий боловсролын сургуулийн хувьд төрийн өмчийн 171, төрийн бус өмчийн 155 нийт 326 сургууль үйл ажиллагаа явуулж, бага ангид 189,634, дунд ангид 145,652, ахлах ангид 76,987, нийт 412,273 хүүхэд суралцана. Эдгээр сургуульд 25,100 орчим багш, ажилтан ажиллана.
Үүнээс нэгдүгээр ангид 41,000 орчим хүүхэд элсэн суралцаж байна.
Боловсрол, шинжлэх ухааны сайдын 2023 оны А/350, А/398 дугаар тушаалуудаар баталсан сургалтын төлөвлөгөөний дагуу Ерөнхий боловсролын сургуулийн сургалтын үйл ажиллагаа 34-37 долоо хоног үргэлжилнэ гэж НЗДТГ-ын хэвлэлийн хэлтсээс мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
