ФОТО: Намын дүрмээ шинэчилж, даргаа сонгох гэж буй АН-ын ҮХБ-ны гишүүд
Ардчилсан Намын Үндэсний бодлогын хорооны ээлжит бус хуралдаан эхэллээ. Тус хурлаар намын Үндсэн дүрэм болон намын даргыг сонгох асуудлыг хэлэлцэх юм.
Улс төрийн намууд дүрмээ шинэчлэн 2023 онд батлагдсан Улс төрийн намын тухай хуульд нийцүүлж, Улсын дээд шүүхэд бүртгүүлэх ёстой. Энэ хүрээнд АН-аас 2025 оны хоёрдугаар сарын 3-ны өдөр Үндсэн дүрмийг шинэчлэн боловсруулах ажлын хэсэг гарч гурван сарын хугацаанд шинэчилсэн төслийг боловсруулсан. Уг шинэчилсэн төслийг өнөөдрийн хуралдаанаар хэлэлцэнэ.
Мөн хамтарсан Засгийн газраас АН гарснаар Л.Гантөмөр намын даргаас чөлөөлөгдөх асуудлыг тавиад буй.
Ийнхүү ҮБХ-ны гишүүдээр намын Үндсэн дүрмийг хэлэлцүүлж, уг хурлаас сонгогдсон намын шинэ даргыг наймдугаар сарын 30-ны өдөр товлогдсон Их хурлаар батламжилна.
Үндэсний бодлогын хорооны хуралдаанд оролцохоор цуглаж буй АН-ын гишүүдийг фото сурвалжилгаар харуулж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
