“Виз гаргаж өгнө, гадаадын их дээд сургуулиудад зуучилна” гэх зараар бусдыг залилсан 22 удаагийн гэмт хэрэг бүртгэгджээ
Цагдаагийн байгууллагад энэ оны эхний 7 сарын байдлаар иргэдийн гадаад улс оронд суралцах, зорчих, амьдрах сонирхол хэрэгцээ, шаардлагыг ашиглан “Виз гаргаж өгнө, гадаадын их дээд сургуулиудад зуучилж өгнө” гэх зараар бусдыг залилан мэхэлсэн 22 удаагийн гэмт хэрэг бүртгэгдэн шалгагдаж байна.
Виз нь зөвхөн тухайн улсын албан ёсны консул, элчин сайдын яамны шугамаар олгогддог тул иргэд, эцэг эхчүүд Та бүхэн “виз гаргаж өгнө, их дээд сургуульд зуучилж өгнө” гэсэн зар мэдээлэл байршуулсан байгууллагыг албан ёсны хөтөлбөртэй, компани мөн эсэхийг шалгах, хувь хүнд хандахгүй байх, урьдчилан төлбөр шилжүүлэхгүй байж, сайтар нягтлахыг цагдаагийн байгууллагаас анхааруулж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
