"Сүхбаатарын талбайд олон улсын эмэгтэй бизнес эрхлэгчдийн үзэсгэлэнг зохион байгуулна"
2025 оны “Дэлхийн бизнес эрхлэгч эмэгтэйчүүдийн форум”-ыг зохион байгуулах талаар өнөөдөр МҮХАҮТ, ГХЯ болон бусад хамтран зохион байгуулагчид мэдээлэл өглөө.
Уг форумаар шинэ түншлэл, хамтын ажиллагааг хөгжүүлэх, бизнесийн ур чадвар, зах зээлд өрсөлдөх чадварыг нэмэгдүүлэх, бизнесийн бодлого, хөрөнгө оруулалтыг нэмэгдүүлэх, бизнес эрхлэгч эмэгтэйчүүдэд тулгардаг нийтлэг сорилтуудыг хэлэлцэх аж. Салбар хэлэлцүүлгүүдээс гадна залуу эмэгтэй бизнес эрхлэгч нарт зориулсан сургалт, менторшип хөтөлбөрүүдийг хийх юм байна.
Мөн Сүхбаатарын талбайд олон улсын эмэгтэй бизнес эрхлэгчдийн үзэсгэлэнг зохион байгуулах юм байна. Үзэсгэлэнд дийлэнх нь жижиг дунд бизнес эрхлэгчид оролцох аж.
Форумд одоогийн байдлаар бүхий л салбарын нийт 22 улсаас 230 орчим төлөөлөл оролцохоор бүртгүүлжээ.
- Наймдугаар сарын 24-нд Бизнес хэрхэн эхлүүлэх, эмэгтэй бизнес эрхлэгч нарт зориулсан ямар дэмжлэг туслалцаа байдаг талаар олон улсын нэр хүндтэй професорууд оролцож зөвлөгөө өгч ярилцана, "Nomadic фестивал" болно.
- Наймдугаар сарын 25-нд Нэгдсэн хуралдаан Шангри-Ла зочид буудалд болж наймдугаар сарын 26 хүртэл бусад уулзалт хөтөлбөрөөр үргэлжлэх юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
