ФОТО: Үндэсний аврах бригадад зочилсон ЕС аврах ажиллагааны үзүүлэх сургууль, эрэлч нохдын үзүүлбэрийг сонирхлоо
Онцгой Байдлын Ерөнхий Газар (ОБЕГ)-ын харьяа Үндэсний аврах бригадын үйл ажиллагаатай Монгол Улсын Ерөнхий сайд Г.Занданшатар өнөөдөр танилцлаа.
Энэ үеэр нурангиас, өндрөөс, уснаас эрэн хайх, аврах ажиллагаа, химийн болон тэсэрч дэлбэрэх бодисоос хамгаалах ажиллагааны техник хэрэгсэл болоод аврах ажиллагааны дуурайлган үзүүлэх сургууль, эрэлч нохдын үзүүлбэрийг сонирхуулсан юм.
Улсын хэмжээнд бүртгэгддэг бүх төрлийн дуудлагаар үүрэг гүйцэтгэдэг Үндэсний бригадын алба хаагчид өнгөрсөн онд гэхэд усны ослын дуудлагаар хамгийн олон удаа үүрэг гүйцэтгэсэн бол энэ жил ой, хээрийн түймрийн голомтод алба хаагчид 60 хүртэлх хоногийн хугацаанд ажилласан байна.
Түүнчлэн тус ангийн алба хаагчид 2011 оны гуравдугаар сард Японд болсон цунами, ОХУ-ын Улаан-Үүд хотод 2015 оны есдүгээр сард гарсан ой, хээрийн түймэр, 2023 оны хоёрдугаар сард Бүгд Найрамдах Турк Улсад болсон газар хөдлөлтийн гамшгийн голомтод ажилласан зэргээр улсдаа төдийгүй олон улсад үүрэг гүйцэтгэсэн билээ.
Эх сурвалж: Онцгой Байдлын Ерөнхий Газар
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
