Улаанбуудайн 64%, төмсний 73%, хүнсний ногооны 62%-ийг дотоодоос хангах төлөв гарчээ
Хүнс, хөдөө аж ахуйн салбарын намар, өвөлжилтийн бэлтгэл ажлын талаар Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга Т.Жамбалцэрэн дараах мэдээллийг өглөө.
2025 онд нийт 577.5 мян.га талбайд тариалалт хийсэн нь өнгөрсөн оноос 60.7 мян.га талбайгаар буюу 10.5 хувиар буурсан үзүүлэлттэй байгаа аж.
Тариалангийн гол бүс нутаг болох төвийн бүсэд гантай байгаа учир ургац буурчээ. Иймд нийт хүн амын хэрэгцээт улаанбуудайн 64%, төмсний 72.8%, хүнсний ногооны 62.5%-ийг дотоодоос хангах төлөв гарсан байна.
Энэ жилийн ургацын урьдчилсан баланс:
Тариалангийн бүс нутгуудад өндөр халалттай байснаас үүдэж усархаг бороо, мөндөр зэрэг байгалийн давтагдашгүй хүчин зүйлс ургацын хэмжээнд сөргөөр нөлөөлж 40.4 мян.га талбайд ургац алджээ.
2025-2026 оны хэрэгцээг хангахад 85.2 мян.тн хүнсний улаанбуудай дутагдах тооцоо гарчээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
