Хууль сахиулах байгууллагын ажилтны дүрээр 590 сая вон залилсан БНСУ-ын иргэнийг албадан гаргажээ
Бүгд Найрамдах Солонгос Улсын нэгэн иргэн Интерполын “Улаан булант” зар мэдээгээр эрэн сурвалжлагдаж байх хугацаандаа Монгол Улсад хууль бусаар оршин сууж, орогнож байжээ.
Тиймээс тус улсын иргэнийг олж тогтоон баривчилж, энэ оны 8 дугаар сарын 6-ны өдөр Монгол Улсаас эх оронд нь албадан гаргах ажиллагааг зохион байгууллаа.
Цагдаагийн ерөнхий газрын Интерполын Үндэсний төв товчоо, Эрүүгийн цагдаагийн алба, Гадаадын иргэн, харьяатын газартай хамтран Солонгос Улсын Интерполын Үндэсний төв товчоотой шуурхай мэдээ, мэдээлэл солилцож хамтран ажиллаж баривчилсан юм байна.
Уг этгээд нь БНХАУ-д байрлаж, Солонгос Улсын хууль сахиулах байгууллагын ажилтны дүр эсгэн иргэд рүү утсаар холбогдон 590 гаруй сая вон залилсан байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
