Улсын хэмжээнд өнөөдрийн байдлаар 10 ой гал түймэртэй байгаагаас гурвыг нь цурамд оруулжээ

Улсын хэмжээнд өнөөдөр /2025.08.04/ 14:00 цагийн байдлаар 10 ойн гал түймэртэй байгаагаас 3 түймрийг цурамд оруулж, 7 түймрийг хяналтад авч, цурамд оруулахаар ажиллаж байна.

Сэлэнгэ аймгийн Ерөө суманд 1, Хүдэр суманд 2 буюу нийт 3 ойн гал түймрийг цурамд оруулж, бүрэн унтраахаар, мөн аймгийн Хүдэр суманд 1, Ерөө суманд 2, Мандал суманд 2, Хөвсгөл аймгийн Цагааннуур суманд 1, Улаан-Уул суманд 1 буюу нийт 7 ойн гал түймрийг хяналтад авч, цурамд оруулахаар ажиллаж байна. 

Түймрийн голомтод Онцгой байдлын байгууллагын 361 алба хаагч, 22 автомашин, мэргэжлийн ангийн 117 хүн, 10 автомашин нийт 478 хүн, 1 нисдэг тэрэг 32 автомашин, 34 морьтой үүрэг гүйцэтгэж байгаа юм.

Он гарсаар 14 аймгийн 72 сум, нийслэлийн 3 дүүрэгт нийт 213 удаагийн ой, хээрийн гал түймэр бүртгэгдсэн нь өнгөрсөн оны мөн үетэй харьцуулахад 57 хувиар өссөн үзүүлэлт аж.  

 

 

Эх сурвалж: Онцгой Байдлын Ерөнхий Газар