"45 дугаар сургуулийн урд талбайд Өглөөний цай үйлчилгээ арваннэгдүгээр сарын 1-н хүртэл ажиллана. Архи, тамхи зарахгүй"
Нийслэл хотын Сүхбаатар дүүргийн 4 дүгээр хороо буюу ерөнхий боловсролын 45 дугаар сургуулийн урд талбайд зуны түр үйлчилгээг төр-хувийн хэвшлийн хамтын ажиллагааны хүрээнд нээхээр болжээ.
Сөүлийн гудамж дахь тус сургуулийн урд талын талбайд түр үйлчилгээний бэлтгэл, бүтээн байгуулалтын ажил явагдаж байгааг тус дүүргийн ЗДТГ-аас мэдээллээ.
Тэдний мэдээлснээр "Голден билэгт" компанийн зүгээс дүүргийн Засаг даргад "Өглөөний цай" төсөл хэрэгжүүлэх хүсэлтийг ирүүлжээ.
Уг хүсэлтэд Өглөөний цай хөтөлбөр хэрэгжүүлэх, түүнд шаардагдах төсөв, санхүү, шаардлагатай бүтээн байгуулалтыг компани өөрийн хөрөнгөөр барих зэрэг агуулгыг тусгасан бөгөөд ССАЖЗЯ-наас жуулчдад зориулсан гудамжтай болох тухай албан бичгээр ирүүлсэн чиглэл, нийслэлийн Засаг даргын санаачилсан Сүү хөтөлбөрийг хэрэгжүүлэхээр 2025 оны долоодугаар сарын 1-нээс арваннэгдүгээр сарын 1-нийг хүртэл зуны түр зөвшөөрлийг олгожээ.
Тус гудамжинд архи, согтууруулах ундаа, тамхи зэргээр үйлчлэхгүй, эрүүл эко өглөөний цайг уух боломжтой байна.
Фото
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
