ФОТО: Хорват улсын Гадаад хэрэг, Европын сайдын манай улс дахь анхны албан ёсны айлчлал эхлэв
Гадаад харилцааны сайд Б.Батцэцэгийн урилгаар Бүгд Найрамдах Хорват Улсын Гадаад хэрэг, Европын сайд Гордан Грлич Радман Монгол Улсад албан ёсны айлчлал хийж байна.
Тус айлчлал долдугаар сарын 17-19-ны өдрийн хооронд үргэлжилнэ.
Айлчлалын хүрээнд Гадаад харилцааны сайд Б.Батцэцэг, Гадаад хэрэг, Европын сайд Гордан Грлич Радман нар албан ёсны хэлэлцээ хийлээ.
Монгол Улс, Бүгд Найрамдах Хорват Улсын хооронд 1993 оны гуравдугаар сарын 10-ны өдөр дипломат харилцаа тогтоосон.
Уг айлчлал нь Бүгд Найрамдах Хорват Улсын Гадаад хэрэг, Европын сайдын түвшинд Монгол Улсад хийж буй анхны албан ёсны айлчлал гэдгийг Гадаад Харилцааны Яамнаас онцолсон билээ.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
