СОЁОЛОН: УИХ-ын гишүүн З.Мэндсайханы хул үрээ түрүүллээ
Тулгар төрийн 2234 жил, Их Монгол Улсын 819 жил, Ардын хувьсгалын 104 жил, Ардчилсан хувьсгалын 35 жилийн ой, Үндэсний их баяр наадмын хурдан соёолонгийн хуралдаан боллоо.
Соёолон насны уралдаанд 195 үрээ бүртгүүлснээс 128 нь 10:44 цагт гарааны зурхайгаас хөдөлжээ.
Ийнхүү наадамчин олны хүсэн хүлээдэг хурдан соёолонгийн уралдаанд Ховд аймгийн Мянгад сумын уяач, УИХ-ын гишүүн З.Мэндсайханы хул үрээ түрүүлэв. Аман хүзүүнд Хэнтий аймгийн Норовлин сумын уяач Н.Мөнхийн бор, айргийн гуравт Говь-Алтай аймгийн Эрдэнэ сумын уяач Б.Гантулгын хээр, айргийн дөрөвт Сүхбаатар аймгийн Баяндэлгэр сумын уяач Д.Аваасүрэнгийн хээр халзан, айргийн тавд Сүхбаатар аймгийн Баяндэлгэр сумын уяач Б.Баярмагнайн бор тус тус хурдаллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
