АЗАРГА: Баянхонгор аймгийн Бууцагаан сумын уяач И.Золбоогийн хүрэн халзан азарга түрүү магнайд хурдаллаа

Гэрэл зургийг MPA агентлагийн онцгой зөвшөөрөлтэйгөөр ашиглав

Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ойн Үндэсний их баяр наадмын азарганы уралдаан өнөөдөр боллоо. 

Хурдан азарга насны уралдаанд энэ жил нийт 153 азарга бүртгүүлснээс 106 нь сэрвээний өндрийн стандартыг хангаж гарааны зурхай руу хөдөлсөн юм.

Азарганы уралдаанд: 

1. Монгол Улсын алдарт уяач Ч.Амарсанаагийн уясан Баянхонгор аймгийн Бууцагаан сумын уяач И.Золбоогийн хүрэн халзан азаргыг 9 настай  Б.Мөнхбилэг унаж түрүү магнайд хурдаллаа. 
2. Аймгийн алдарт уяач Д.Цээлхаасүрэнгийн уясан Орхон аймгийн Баян-Өндөр сумын уяач Г.Бат-Эрдэнийн ерөөл халзан азаргыг 10 настай Г.Гансүрэн унаж аман хүзүүдүүллээ 
3. Б.Лхагва-Очир уяачын уясан Хөвсгөл аймгийн Бүрэнтогтох сумын уяач Д.Отгонлхагвын солонго хүрэн азаргыг 9 настай Б.Намчин унаж гуравлав.  
4. Аймгийн алдарт уяач Н.Норожамцын уясан Орхон аймгийн Баян-Өндөр сумын уяач Ч.Батжаргалын зээрэн чандмань азаргыг 13 настай Ц.Болд-Эрдэнэ унаж дөрөвлөв. 
5. Монгол Улсын тод манлай уяач Б.Лхагва-Очирын уясан Өмнөговь аймгийн Цогтцэций сумын уяач Б.Тогтохын хүрэн халзан азаргыг 10 настай Б.Наранбаатар унаж айргийн тавд хурдлууллаа. 

ФОТО: