Япон Улсын Цог Жавхлант Эзэн Хаан Нарүхито монгол төр түмний Жанрайсаг шүтээн, Батцагаан цогчэн дуганаар зочилжээ
Япон Улсын Цог Жавхлант Эзэн Хаан Нарүхито албаны бүрэлдэхүүний хамтаар өнөөдөр Монголын Бурхны Шашинтны Төв Гандантэгчэнлин хийдэд зочилжээ.
Цог Жавхлант Эзэн Хааныг Гандантэгчэнлин хийдийн тэргүүн их хамба, 30 дахь хамба номун хан, гэвш лхаарамба Д.Жавзандорж, дэд хамба, гавж С.Гантөмөр нар болон хийдийн тэргүүлэгч лам хуврагууд хүндэтгэлтэйгээр угтан авлаа.
Тэрбээр монгол төр түмний Жанрайсаг шүтээн, Батцагаан цогчэн дуганаар зочилж, тус хийдийн соёлын үнэт өв, утга агуулгатай танилцав.
Монгол, Японы харилцааны түүхэнд тэмдэглэгдэх энэхүү түүхэн айлчлал нь хоёр ард түмний найрамдал, харилцан хүндэтгэлийг илтгэх онцгой жишээ болж байна гэж тус хийдээс онцоллоо.
Эх сурвалж: Монголын Бурхны Шашинтны Төв Гандантэгчэнлин хийд
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
