"Улаанбаатараас Лүн чиглэлийн авто зам ачаалал ихтэй ч зохицуулалт хийж байна"

Улаанбаатар хотоос баруун тийш орон нутгийн авто замын ачааллын талаар ТЦА-наас дахин мэдээлэл өглөө.

ТЦА-ны алба хаагч "Өнөөдөр 12:15 цагийн байдлаар Улаанбаатараас 72 дахь километр буюу Төв аймгийн Аргалант сум руу салдаг хэсгийн авто зам дээр тээврийн хэрэгслийн ачаалал маш их байна. Гэсэн ч тээврийн хэрэгслүүд гацаж зогсолгүй 50-70км/цагийн хурдтайгаар хөдөлгөөн хэвийн үргэлжилж байна.

Баянцогт, Лүн сумын авто зам дээр зургаан ширхэг хурд сааруулагчтай. Тухайн хурд сааруулагч дээр тээврийн хэрэгслийн хөдөлгөөний эрчим удааширсан тохиолдолд цагдаагийн байгууллагын алба хаагч нар аюулгүй байдлыг хангаж, урсгал сөрүүлж явуулах зохицуулалтыг хийж байна.

Уг байршилд том оврын ачааны автомашинуудыг түр саатуулж байна, хөдөлгөөний эрчим багасахаар явуулна. 

Орон нутгийн замд хөдөлгөөн зохицуулалт, хяналт шалгалтыг 24 цагаар зохион байгуулж байна" гэв.