"Ой хээрийн түймрийн 20 орчим хувийг хиймэл дагуулын мэдээллээс илрүүлж, тухай бүрд нь арга хэмжээ авч байна"
Баянзүрх дүүргийн 33 дугаар хороо Шар хоолойн аманд өчигдөр буюу долдугаар сарын 6-нд шар өвс шатсан тухай дуудлага мэдээлэл бүртгэгджээ.
Түймэр ой руугаа буюу модлог хэсэг рүү орсныг онцгой байдлын алба хаагчид ажиллаж унтраасан байна.
Гал түймрийн аюулаас сэрэмжлүүлэх мэдээлэл өгөх үеэрээ ОБЕГ-ын Гал түймэртэй тэмцэх газрын хэлтсийн дарга, дэд хурандаа П.Соронзонболд "Хуурайшилтын хуулийн хугацаа дууссан ч байгаль дээр хуурайшилт их, аюулын зэрэг өндөр байна.
Иргэдэд сэрэмжлүүлсээр байтал хайхрамжгүйгээс болоод тохиолдлын тоо буурахгүй байгаа. Ой хээрийн түймрийн 20 орчим хувийг онцгой байдлын алба өдөр тутамд хиймэл дагуулын мэдээллээс илрүүлж, тухай бүрд нь арга хэмжээ авч байна.
Ойрын өдрүүдэд ихэнх нутгаар бороо хуртай гэж байгаа боловч түймрийн бүс нутгуудад бороо ороогүйг алба хаагчид мэдээлсэн" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
