3х3 ДАШТ: Монгол Улсын эмэгтэй шигшээ баг МӨНГӨН МЕДАЛЬ хүртлээ
20:46 2025/06/29
Монгол Улсын эмэгтэй шигшээ баг дэлхийн аварга шалгаруулах тэмцээний алтан медалийн төлөө Нидерландын багийн эсрэг тоглож, 15:9 онооны харьцаатай хожигдлоо.
Ингэснээр эмэгтэй шигшээ баг дэлхийн аваргын мөнгөн медалийн эзэд болж байна. Түүнчлэн манай улс Олимпын төрлийн багийн тэмцээний ДАШТ-ээс анх удаа медаль хүртэж буй нь энэ юм.
17:56 2025/06/29
Сагсан бөмбөгийн 3х3 төрлийн Дэлхийн Аварга Шалгаруулах Тэмцээн (ДАШТ) Улаанбаатар хотод болж байгаа билээ.
Манай улсын эмэгтэй шигшээ багийн тамирчид өчигдөр шөвгийн наймд АНУ-ын шигшээ багийг хожсон. Тэгвэл өнөөдөр тус тэмцээний шөвгийн дөрөвт Польшийн шигшээ багийн эсрэг тоглож, 18:17 онооны харьцаатай хожлоо. Нэмэлт үед Б.Ариунцэцэг хоёр онооны шидэлтийг амжилттай гүйцэтгэснээр багтаа хожил авч ирэв.
Ингэснээр Монгол Улсын эмэгтэй шигшээ баг Нидерландын багийн эсрэг ДАШТ-ий аваргын төлөө тоглохоор болж байна. Аваргын төлөөх тоглолт өнөө орой 20:00 цагт Төв талбайд болно.
Польшийн багийн хувьд ДАШТ-д дөрвөн удаа оролцохдоо анх удаа шөвгийн дөрөвт шалгарлаа.
20:46 2025/06/29
Монгол Улсын эмэгтэй шигшээ баг дэлхийн аварга шалгаруулах тэмцээний алтан медалийн төлөө Нидерландын багийн эсрэг тоглож, 15:9 онооны харьцаатай хожигдлоо.
Ингэснээр эмэгтэй шигшээ баг дэлхийн аваргын мөнгөн медалийн эзэд болж байна. Түүнчлэн манай улс Олимпын төрлийн багийн тэмцээний ДАШТ-ээс анх удаа медаль хүртэж буй нь энэ юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
