ФОТО: Даншиг наадмын нэгийн даваанд гарсан Тува, БНСУ-ын бөхчүүд
Нийслэл Улаанбаатар хотын иргэдийн өдөр “Хүрээ цам-Даншиг наадам 2025”-д зориулсан 256 бөхийн барилдааны нэгийн даваа өнөөдөр эхэллээ.
Барилдаанд улсын арслан Э.Оюунболд, Р.Пүрэвдагва тэргүүтэй улсын арслан цолтой хоёр, улсын гарди гурав, улсын заан тав, харцага ес, начин 20 бөх зодоглож буй.
Энэ барилдааны нэгийн даваанд Тувагийн гурван бөх, БНСУ-ын ширым бөхөөр хичээллэдэг гурван бөх барилдсан юм.
Тодруулбал улсын арслан Р.Пүрэвдагватай БНСУ-ын Ча Мин Сү, гарди Б.Гончигдамбатай Ким Мин Жэ, заан Б.Батмөнхтэй Чой Жун Ман нар учраа таарсан бол гарди Ө.Бат-Оршихтой Тувагийн Түлүш Хүлер, заан М.Өсөхбаяртай Тувагийн Түлүш Сайын-Белек нар таарч унасан бол гарди Ж.Бат-Эрдэнийг Тувагийн Доржу Александр давжээ.
Даншиг наадмын хоёрын даваа маргааш үргэлжилнэ.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
