"Улаанбаатар дахь АНУ-ын ЭСЯ тун удахгүй F, M болон J ангиллын цагаачлалын бус визийн цагийг дахин нээнэ"
Улаанбаатар дахь Америкийн Нэгдсэн Улс(АНУ)-ын Элчин Сайдын Яам(ЭСЯ) тун удахгүй F, M болон J ангиллын цагаачлалын бус визийн цагийг дахин нээнэ.
Шинэ удирдамжийн дагуу F, M болон J ангиллын виз мэдүүлэгч бүр өөрсдийн олон нийтийн сүлжээнийхээ нууцлалын тохиргоог “Public” буюу нээлттэй горимд шилжүүлэх шаардлагатай болсон. Энэ нь АНУ-ын хуульд заасан хяналт шалгалтыг хэвийн явуулах, улмаар таныг хилээр нэвтрүүлэх боломжтой эсэхийг тогтоох зорилготой.
Олон нийтийн сүлжээний мэдээллийг орхигдуулсан эсвэл нуусан тохиолдолд таны визийн мэдүүлгийг татгалзах, цаашлаад ирээдүйд АНУ-ын виз авах боломжгүй болох эрсдэлтэй.
АНУ-ын виз бол ЭРХЭМ БОЛОМЖ бөгөөд харин таны эдлэх ёстой эрх биш юм гэж АНУ-ын ЭСЯ-наас мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
