ЖАГСААЛ: Ерөнхий сайд та дангаараа УИХ, Үндсэн хууль биш. Та Монголын ганц нүүр царай, геополитик биш шүү!
"Огцрох амархан" жагсаал өнөөдөр 21 дэх өдрөө болж өнгөрлөө. Яг энэ үеэр УИХ-ын хаврын ээлжит чуулганы нэгдсэн хуралдаан Төрийн ордонд эхэлж Ерөнхий сайд Л.Оюун-Эрдэнэд итгэл хүлээлгэх эсэх асуудлыг хэлэлцэж байгаа юм.
Жагсаалыг зохион байгуулагчдын нэг Ж.Өнөмөнх "Тогтоолын төслийг боловсруулахдаа сонгодог парламент гэх үгийг их ашигласан байна. Хамгийн сайн сонгодог парламентын төгс жишээ гэвэл Английн парламент байна. Английн парламентад ерөнхий сайд нь сөрөг хүчнийхэнтэйгээ нүүр тулж суугаад асуултад нь шуурхай хариулдаг. Манай ерөнхий сайдад тийм чадамж байхгүй. Хэвлэлийнхэн очоод яриа авъя гэж байхад ярьж чадахгүй байна.
Яг одоо УИХ-ын чуулган дээр нэг гишүүн "Трампын тарифын бодлого" гэж ярьж байна. Мэддэг юмаа яриа гэж хэлмээр байна. Нэг гишүүн "Та минь яагаад ингэж их удав аа" гэжээ. Юу асуугаад байгаа юм бэ?!
Өөрийнхөө асуудлаас болоод МАН-ынхаа бага хурлыг цуглуулсан ч бага хурлынхаа шийдвэрийг тайлбарлаж, мөрдөж чадахгүй хүн ордон дотор тайлбар тавиад сууж байна. Та дангаараа МАН биш шүү. АН-ыг засгаас хөөж бурууг нь АН гэсэн. Та дангаараа АН биш шүү. Үндсэн хуульд заасан дангаараа УИХ шийдэх ёстой итгэл хүлээлгэх тухай асуудлыг оруулж ирсэн. Та дангаараа УИХ, Үндсэн хууль биш. Та монголын ганц нүүр царай биш геополитик биш шүү" гэв.
Өнөөдрийн жагсаал:
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
