11 дүгээр сургуулиас Цэцэг төвийн уулзвар хүртэлх замыг хэсэгчлэн хааж, шинэчилнэ
Энхтайвны өргөн чөлөө буюу төв замын засвар, шинэчлэлийн ажил үргэлжилж буй.
Энэ хүрээнд Сүхбаатар дүүргийн 1, 4, 5 дугаар хороо, Чингэлтэй дүүргийн 1, 2, 3 дугаар хороо, 11 дүгээр сургуулийн уулзвараас Цэцэг төвийн уулзвар хүртэлх авто замыг хэсэгчлэн хааж, шинэчилнэ.
Тодруулбал авто замын урд эгнээг тавдугаар сарын 29-ний 22:00 цагаас хааж, тавдугаар сарын 30-ны 22:00 цагт нээнэ.
Харин авто замын хойд эгнээг тавдугаар сарын 30-ны 22:00 цагаас тавдугаар сарын 31-ний 06:00 цагийн хооронд хааж, шинэчилнэ. Иймд иргэд, жолооч нар бусад замыг сонгон хөдөлгөөнд оролцоно уу гэж НЗДТГ-хэвлэлийн хэлтсээс мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
