“ЛОРО ПЬЯНА МОНГОЛ” ХХК: Нээлттэй тендер шалгаруулалтын урилга

 

НЭЭЛТТЭЙ ТЕНДЕР ШАЛГАРУУЛАЛТЫН УРИЛГА

2025 оны 05-р сарын 26-ны өдөр

1. ТЕНДЕРИЙН ЕРӨНХИЙ МЭДЭЭЛЭЛ

Тендерийн нэр: “Ноолуур боловсруулах үйлдвэрийн барилга, агуулахын дотор засварын ажил гүйцэтгэх гүйцэтгэгчийг сонгон шалгаруулах”

Тендерийн дугаар: Т-2025-04

Тендерийн материал олгох хугацаа: 2025 оны 05-р сарын 26-ны 9:00 цаг.

Тендерийн материал хүлээж авах хугацаа: 2025 оны 06-р сарын 09-ний 17:00 цаг.

Тендер шалгаруулалтын тухай товч мэдээлэл:

ХУД-ийн 3-р хорооны нутаг дэвсгэрт байрлах “ЛОРО ПЪЯНА МОНГОЛ” ХХК-ийн ноолуур боловсруулах үйлдвэрийн барилга, агуулахын дотор засварын ажил гүйцэтгэх гүйцэтгэгчийг сонгон шалгаруулах тендер зохион байгуулж байна.

Ерөнхий мэдээлэл:

1. Хялгас ялгах Итали цехийн засвар (хэсэгчилсэн хана буулгалт, 2 хаалгатай тусгаарлах хана босгох, шалны тэгшилгээ хийж будах, ханын дагуух ашиглагдахгүй шугам хоолойг буулгах, зарим шугам хоолойг шинэчлэх, таазыг сендвич хавтангаар доторлох, хана  будах, агааржуулалтын хоолойг шинэчлэх)
2. Хялгас ялгах Итали цехийн агуулахын хэсэг (төв болон гарах хэсэг, дулааны узель, трансформаторын өрөөний шал, хана, таазыг засварлан гадна, дотор хаалга солих)
3. Гадна талбай дахь түүхий эд хадгалах агуулахын хэсэг (хаалга, тааз, хана, шалыг шинэчлэх)
4. Үйлдвэрийн ажилчдын цайны газрын засварын ажил (хана, тааз, шал шинэчлэх)
5. Шинээр суурилуулах пресс машины суурийг бэлдэх
6. Оффисын байрны корридорын таазыг шинээр хийх

Барилгын засварын ажлыг ажлын даалгаврын дагуу хийж гүйцэтгэнэ.Тендерт оролцогч тал ажлын даалгаварт заагдсан материал болон шаардлагын дагуу ажил тус бүрийн зардлыг тооцох ба ажлын даалгаврын дагуу ажлын тоо хэмжээг шалган төсвийн Estimator программаар тооцож тендерийн санал ирүүлнэ. Ажил гүйцэтгэх үедээ хүчин төгөлдөр мөрдөгдөж байгаа хууль дүрэм, норм, стандарт, аюулгүй ажиллагааг мөрдөж ажиллана.

2. ОРОЛЦОГЧДОД ТАВИХ ШААРДЛАГА

1. Монгол улсад үйл ажиллагаа явуулдаг хуулийн этгээд, ААН байх.
2. “Барилгын тухай” хуулийн дагуу БА-2.1 болон БА-7.1 тусгай зөвшөөрөлтэй байх. Тусгай зөвшөөрлийн хугацаа 2026 оныг дуустал хүчинтэй байна.
3. Мэргэжлээрээ 2-оос доошгүй жил ажилласан барилгын инженер болон мэргэжлээрээ 1-ээс доошгүй жил ажилласан ХАБЭА-н үндсэн ажилтантай байх.
4. Оролцогч байгууллага нь эрх зүйн маргаангүй байх.
5. Ажлыг гэрээний дагуу гүйцэтгэж дуусгах санхүүгийн чадамжтай ААН байна.
6. Татварын өр төлбөргүй байх гэрчлэх баримтыг ирүүлэх.
7. Ижил төстэй ажил гүйцэтгэсэн туршлагатай байх.

Сонирхсон этгээд тендерийн баримт бичгийг доорх хаягт хандаж 2025 оны 06-р сарын 06-ны 17:00 цагийн дотор тендерт оролцохоор бүртгүүлэх ба өөрсдийн төлөөлөгчөө ирүүлж, хийгдэх ажилбаруудыг биеэр үзэх шаардлагатай.

Тендерийн саналаа битүүмжлэн 2025 оны 06-р сарын 09-ны өдрийн 17:00 цагаас өмнө Захиалагчид ирүүлнэ. Захиалагч тендерийн үнэлгээг дотооддоо зохион байгуулах ба зөвхөн сонгогдсон ААН-тэй эргэн холбогдоно.

Энэхүү тендертэй холбоотой нэмэлт тодруулга, мэдээллийг доорх хаягаар авч болно.

ХУД-ийн 3-р хороо, үйлдвэрийн 41-р гудамж ЛОРО ПЬЯНА МОНГОЛ ХХК-ийн байр

Төслийн бичиг баримт хүлээн авах: Л.Содхүү.

Утас: 96660131, 99099424, 11-343529  и-мейл: sodkhuu0910@gmail.com