Эмчилгээний хандив хүссэн хүүхдүүдийн зураг ашиглан 2,500 иргэнийг залилж, мөрийтэй тоглосон этгээдийг тогтоожээ
Эмчилгээний хандив хүссэн хүүхдүүдийн зургийг ашиглан 2,500 гаруй иргэнээс мөнгө залилсан байж болзошгүй үйлдлийг Цагдаагийн Ерөнхий Газар (ЦЕГ)-аас сэрэмжлүүлж байна.
Цахим орчинд 2024 оны арваннэгдүгээр сараас энэ оны дөрөвдүгээр сарыг хүртэлх хугацаанд хүнд өвчтэй, яаралтай хагалгаанд орох шаардлагатай тул бусдаас эмчилгээний зардалд хандив өгөхийг хүссэн хүүхдүүдийн ар гэрийнхний байршуулсан зар мэдээллийг ашиглан урьдчилсан байдлаар 2,500 орчим иргэнээс 5,000-500,000 хүртэлх хэмжээний төгрөгийг дансаар шилжүүлэн авч, залилсан этгээдийн үйлдлийг тогтоон мөрдөн шалгах ажиллагааг явуулжээ.
Дээрх үйлдлийг хийсэн этгээд нь фэйсбүүк орчинд шинэ хаягууд үүсгэж, тэдгээр хаягаас хандив тусламж хүссэн зар мэдээллийг байршуулан, тухайн мэдээллээ төв орон нутгийн олон дагагчтай группт түгээснээр иргэдээс богино хугацаанд их хэмжээний мөнгө төвлөрүүлжээ.
Шалгалтын явцад урьдчилсан байдлаар тухайн этгээд нь иргэдийн хандив тусламжийн мөнгөөр олон улсын бооцоот тоглоомын сайтад цахим мөрийтэй тоглоом тоглосон нөхцөл байдал тогтоогдсон байна.
Иймд цахим орчин дахь зар мэдээллийг сайтар нягталж шалгаж, залилагч нарт амар хялбар аргаар мөнгө олох боломжийг олгохгүй байхыг Цагдаагийн Ерөнхий Газраас сэрэмжлүүлэв.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
10 СЭТГЭГДЭЛТЭЙ
|
