ФОТО: "Ажилтай өрх-Аз жаргалтай гэр бүл" өдөрлөгийн үеэр ЖДҮ эрхлэгчид үзэсгэлэн худалдаа зохион байгуулж байна
Дэлхий нийтээр жил бүрийн тавдугаар сарын 15-ны өдрийг “Олон улсын гэр бүлийн өдөр” болгон тэмдэглэсээр 31 дэх жилтэйгээ золгож байна.
Энэ өдрийг тохиолдуулан “Ажилтай өрх - Аз жаргалтай гэр бүл” нээлттэй өдөрлөг Сүхбаатарын талбайд зохион байгуулж байгаа юм.
Өдөрлөгийн үеэр Гэр Бүл, Хөдөлмөр, Нийгмийн Хамгааллын Яам(ГБХНХЯ)-наас Азийн хөгжлийн банкны дэмжлэгтэйгээр хэрэгжүүлсэн "Төгсөлтийн аргачлалын туршилт"-ын хөтөлбөрийн хүрээнд "Цар тахлын үе хариу арга хэмжээ авах нийгмийн хамгааллын төсөл 2"-т хамрагдсан айл өрхийн төлөөлөл өөрсдийн хийсэн бүтээлээрээ үзэсгэлэн худалдаа гаргалаа. Уг төсөлд Сонгинохайрхан, Баянзүрх, Чингэлтэй дүүргийн зорилтот бүлгийн 1,259 өрх хамрагджээ.
Түүнчлэн
- Хүүхэд, гэр бүлийг дэмжихэд чиглэсэн үйлчилгээ
- Хөдөлмөрийн яармаг /JOB CENTER/ арга хэмжээ зохион байгуулах
- Нийгмийн халамжийн үйлчилгээг газар дээр нь болон онлайнаар үзүүлэх
- Нийгмийн даатгалын үйлчилгээ газар дээр нь болон онлайнаар үзүүлэх
- Хөгжлийн бэрхшээлтэй иргэдийн хөдөлмөр эрхлэлтийг дэмжих үйлчилгээ
- Өрхийн үйлдвэрлэлийг дэмжсэн зээл олголтын үйлчилгээг үзүүлж байгаа юм гэж ГБХНХЯ-наас мэдээллээ.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
