Д.Амгалан: Бага тэнгэрийн амны зам дагуу зөвшөөрөлгүй эхэлсэн барилгын ажлыг зогсоож, компанийн удирдлагуудыг дуудсан
Баянзүрх дүүргийн 11 дүгээр хороо, Бага тэнгэр, Их тэнгэрийн амны зам дагуу "М ТИ ЭС" ХХК-ийн барилга угсралтын ажилд улсын байцаагч нар төлөвлөгөөт бус хяналт шалгалт хийж, барилгын ажлыг өчигдөр зогсоожээ.
Энэ тухай НЗДТГ-ын дарга Д.Амгалан "Богд уулын Бага тэнгэр, Их тэнгэрийн амны авто зам дагуу зөвшөөрөлгүй эхэлсэн барилгын ажлыг зогсоосон. Барилгын компанийн удирдлагуудаас тайлбар авахаар Нийслэлийн хяналт шалгалтын газарт ирэхийг дуудсан байгаа. Зөрчлийн хэрэг үүсгэнэ.
Зөвшөөрөлгүй баригдаж байгаа барилгыг улсын комисс хүлээж авдаггүй. Улсын бүртгэлд ч бүртгэгддэггүйг иргэн, ААН-үүд сайн ойлгох хэрэгтэй" гэлээ.
Түүнчлэн нийслэл хотын орон сууцнуудын дундын эзэмшлийн газруудыг чөлөөлж авна гэж тэрбээр мэдэгдэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
