Хөлбөмбөгчид Ц.Анандбазарыг эсэргүүцэж маргаашаас буюу тавдугаар сарын 1-нээс суулт зарлана
Монголын Хөлбөмбөгийн Тоглогчдын Холбоо (MFPA) болон "Очир" лигийн зөвлөлөөс хамтарсан Ажлын хэсгээс Монголын Хөлбөмбөгийн Холбоо (МХБХ)-ны тэргүүнээр сонгогдсон Ц.Анандбазарыг эсэргүүцэж, тавдугаар сарын 1-нээс эхэлж холбооны гадаа суулт зарлахаар төлөвлөжээ.
Суулт өглөөний 09:00 цагаас эхэлнэ гэж Ажлын хэсгийн зүгээс мэдэгдсэн юм.
"Очир" лигийн зөвлөлөөс ээлжит бус их хурлын сонгуультай холбоотойгоор гурван шаардлага тавьж, лигийн тоглолтыг тодорхойгүй хугацаагаар хойшлуулсан. Тэд Ц.Анандбазарыг огцруулах, дүрмийн шинэчлэл хийж, ээлжит бус их хурлыг дахин хуралдуулах шаардлага тавьсан билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
44 СЭТГЭГДЭЛТЭЙ
|
