Ялалтын баярын арга хэмжээнд Ерөнхийлөгч У.Хүрэлсүх оролцоно
Москва хотноо жил бүр тавдугаар сарын 9-нд болдог ялалтын баярын прадад Монгол Улсын Ерөнхийлөгч У.Хүрэлсүх хүндэт зочноор оролцохоор болжээ.
ОХУ-ын Ерөнхийлөгч Владимир Владимирович Путин Халх голын байлдааны 85, “Улаанбаатар төмөр зам” хувь нийлүүлсэн нийгэмлэг үүсэн байгуулагдсаны 75, Монгол Улс, ОХУ-ын хооронд дипломат харилцаа тогтоосны 100 жилийн ойг тохиолдуулан 2024 онд манай улсад албан ёсны айлчлал хийсэн.
Тухайн үед ОХУ-ын Ерөнхийлөгч В.В.Путин "Ирэх онд Аугаа эх орны дайнд ялалт байгуулсны 80 жилийн ойг тэмдэглэн өнгөрүүлнэ. Ерөнхийлөгч У.Хүрэлсүхийг тавдугаар сарын 9-ний өдөр Москва хотод айлчлахыг урьсан. Мөн Монгол Улсын Зэвсэгт хүчний цэргийн алба хаагчид Оросын цэргүүдтэй хамт Улаан талбайд болох баярын жагсаалд оролцох асуудал ч яригдаад байгаа" хэмээн ярьж байсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
