Улаанбурхан өвчний 590 тохиолдол батлагдсанаас 471 нь эдгэрчээ
Улаанбурхан өвчний батлагдсан тохиолдлын тоо өнөөдрийн байдлаар 590-д хүрлээ.
Үүнээс 471 нь эдгэрч, эмнэлэгт 111, гэрээр найман хүн эмчлүүлж байгаа юм.
Өвчлөл дийлэнхдээ ерөнхий боловсролын сургуулийн сурагчдын дунд бүртгэгдэж байна. Тодруулбал батлагдсан тохиолдлын 54.9 хувь нь 10-19 насныхан байгаа юм. Иймд сурагчид амны хаалтаа тогтмол зүүж, гараа ариутгах зэргээр халдварт өвчнөөс урьдчилан сэргийлэхийг Халдварт Өвчин Судлалын Үндэсний Төв(ХӨСҮТ)-өөс зөвлөв. Мөн эцэг эх, асран хамгаалагчид хүүхдүүдээ улаанбурханы вакцины хоёр тунд бүрэн хамрагдсан эсэхийг нягтлах шаардлагатай юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
0 СЭТГЭГДЭЛТЭЙ
|
